Anne-Marie Bartie. stillewe

 

 

stillewe

 

klanke tussen meteoriete

en satelliete word onderbreek

‘n flitsraam-oomblik van sinnestilte

word verstalt in die purper heelal

 

my hart skandeer polle sneeu

wat sluik en silwer lê, ook

oor die kliprant in die verte

vir iets van jou wat kom agterbly

 

die verterende hunkering

is lankmoedig en voortdurend,

die doodsheid is ryp en getuiglik

van die rymlose stem in my

 

hier waar hemel en die landskap

van my liefde vir jou omvat word

en tot op die bitter einde wei

 

© Anne-Marie Bartie, 2026