Foto 5 -Skemeraand met volmaan
https://photos.app.goo.gl/yMJaFhYqpg1ETy678
slenterskemer
vir NPVWL met respekte (Nog in my laaste woorde)
soos die daguur voor my sneuwel
is my spore vol berou oor lankgister
se immer onvoltooide kring
ek dra jou op, my jeug se liefste,
aan die voornag se maan,
wat vόl in haar majestueuse gibbe
roerloos in oopgelate vlam
nes jou beeltnis agter my oog,
aan die lug bokant ‘n kliprug
teen die dag se bloute hang
ek stap hink en uitgeloods,
oor die stofstraat van weleer
hande agter die rug gevou
oud, ‘n spits figuur, swart
in oomblikgang ver verwyder
van die woorde wat lewe
in sinkdak huise weerskante
van skouers wat willoos vooroor sak
die gedagte aan jou, my lief,
sal die laaste wees soos díé pad
want jy was ‘skoon en sterk en blind’
en met ieder denk, brand jou beeld
in my, as ‘n fisiologiese korrelaat
© Anne-Marie Bartie,2026
SLENTERSKEMER is ‘n treffende en diepgaande besinning en gedagtes oor identiteit en verlies van die verlede. Dit oorbrug die gaping tussen taal en universele emosie, en balanseer dikwels alledaagse realiteite met ryk, suggestiewe beeldspraak wat eg Suid Afrikaans is.