Leek
lees jy ook die gedigte
van ‘n leek
of soek
jy eerder perfek georganiseerde
woorde van ‘n geleerde
uit hul hart se woordeboek
lees jy die gedigte
van ‘n sukkelende boer
wat honderd blaaie verwoes
seisoen na seisoen
steeds powere gedigte oes
verstaan jy werklik
die tsoenami van woorde
wat iemand ver van perfek
laat uitstort uit ‘n plek
van oorvloedige gebrek
sê my,
ken jy werklik die leek?
© Jasmyn Beetge, 2026