die wedstryd op Marchand
deur die oë
van ‘n grysaard nou
is die dowwe donkies
tog klein grys esels
gejaag oor die speelveld
voor die afskop
om die vroeryp
se witlaag oor stoppelgrond
onsigbaar draaglik
vir ons spel te berei
daai dag het die antie
haar dogter gestuur
lang vlegsels
van koper en ‘n skinkbord
onder haar jongmeisiebors
vol kwartskyflemoene
lafenis met rustyd
vir ‘n vyftienspan kaalvoetseuns
© Krige Visser, 2026