parodie en ironie
parodie en ironie as saam gelese
met aap uit die mou gelaat
en die hond in dialekte belese
saam die tale van mens en dier praat
nie ironie of parodie sou my ooit vergewe
dat ek ‘n stemmevanger by uitstek
net op my eie sou wou lewe
met alleenmandaat ander toegang belet
parodie en ironie het saam oor liefde gedig
die wend die oorgee die ewige drif
probeer ek vergeefs ons lewe verlig
geskryf in die liefde se duister skrif
net parodie en ironie is so berese
dat die apokalips van vertrek
‘n krater laat in die mond van my wese
net ek wéét dis soos ek is gebek
© Krige Visser, 2026
Dankie Krige. Ek lees dit oor en oor….sodat dit kan insink.