Foto 14 – Naghemel by SALT
my vuurvliegie-gedagtes
bloudrukgedagtes van jou bekende woorde
vind nou hul windverwaaide spore
tussen die sterrespatsels
se kwashale
geen muur kan hier die gees se vlug beperk,
geen ballingskap hierdie lig verdraai
die hemelraam kaats
tot diep in my,
en ek sien die spieëlbeeld van my eie siel –
vry van die aardse huis-kluis
ek raak aan die vurige heelal
met vingers al soekend
na die goddelike
strelend is die serenade se eb en vloei,
boeiend die polsslag van elke hart;
verstrengeld word die vlees-gees
universeel gebind
tussen die ruimte van tyd
tot
eenvoud
gesnoei
© Pierce van Tonder, 2026
Absoluut tasbaar en puik gedoen!!