Foto 17: Voorstoep.Louwhuis
Foto in In gesprek met NPvWL – Google Foto’s
Oggend inventaris
hoe sou jy die 1900’s oggendmis sien
jou stem stil
jou woorde rep tydloos
moontlik
dover-gekookte kloof koffie
wek stille stare in die niet
stilte wat vir oomblikke talm
as die houtvure se oggendroet
grys droewig oor die dorp se grense deinsend giet
moontlik
stilte breek
besprekings van moontlik skaap en wol
pryse wat tuimel en tol
somers wat tot in ewigheid strek horisonne vaal sonder reën
wit wat verwoestend uitbars en onder skoensole knars
gedagtes aanmekaar gesnoer
oor god se goedheid
dalk weerwraak
totdat die karoo in saliegroen ontwaak
© Christa Kleynhans, 2026