Posts Tagged ‘Hildegard Klein gedig’

Hildegard Klein. Cochenille-liefde

Monday, May 23rd, 2022

 

Cochenille-liefde: Sy

 

My heer, u pronk met stertfilamente

en weelderig vonkelende vlerke;

dog my beskeie lyf sonder ornamente

beskaam my sonder perke.

 

 

Cochenille-liefde: Hy

 

Begeerlik is u met u karmynrooi blos,

‘n huishen, rond en knus.

As ek weg is, sal u onder u wol-karos

steeds ons nimfies beskerm en sus.

 

 © Hildegard Klein, 2022

 

Hildegard Klein. Kameeldoring en mier

Wednesday, April 13th, 2022

 

 

Foto: Hildegard Klein

 

Kameeldoring en mier

 

Welkom, miersoldate, in die ruim basis

van my dorings, pas-gemaak vir julle gerief!

As julle tog net die ruspes wat so ‘n las is,

soms die skrik op die lyf sal jaag, asseblief!

 

© Hildegard Klein, 2022