Johann Lodewyk Marais was die eerste Afrikaanse digter om as die Innibos kunstefees se feesdigter aangewys te word. Tydens ʼn geleentheid by die fees is ʼn oorkonde deur Chris Barnard aan hom oorhandig. Elize Cawood het gedigte uit sy agt digbundels voorgelees en ʼn oorsig van sy loopbaan as digter gegee. Luna Paige het twee van sy gedigte getoonset en by die geleentheid opgevoer. Verder het die beeldhouer Jaco Sieberhagen ʼn werk geskep op grond van temas uit Johann Lodewyk Marais se digkuns en daaroor gepraat by die geleentheid. Hier onder is ʼn fotobeeld.
Jaco Sieberhagen se beeldhouwerk
Jaco Sieberhagen praat oor die inspirasie uit Johann Lodewyk Marais se digkuns vir sy beeldhouwerk
Elize Cawood lees gedigte voor
Digbundels
Luna Paige, Johann Lodewyk Marais, Elize Cawood, Katinka Heyns, Chris Barnard en Jaco Sieberhagen
Luna Paige doen ‘n klanktoets
Die oorkonde
Chris Barnard oorhandig die oorkonde namens die feesdireksie
Dit was vir my ‘n voorreg om betrokke te wees by die organisering van InnBos se eerste feesdigter. Andries jy was ‘n puik onderhoudvoerder. Weer eens dankie. Elza Vorster (Boeke InniBos)
Wat ‘n heerlike idee. Om by elke fees ‘n feesdigter te hê! Andries, ek stem vir jou ‘ek hoop die ander feeste kyk af.!
Was daar nuusdekking daaroor in die Beeld?
Mag die feesgode vlam vat hieroor.
Van jou vingers af reguit na die feesgode, Andries … Tog opvallend hoe mense, wanneer hulle verhoogde emosionele opwellings ervaar, altyd na gedigte gryp. Soos die kliënt wat enkele dae gelede in die winkel kom soek het na gedigte oor die geboorte van ‘n kleinkind … En watter beter manier is daar nie om “statuur” aan ‘n fees te gee as ‘n feesdigter nie. Buiten dit -watter fantastiese keuse was Johann Lodewyk Marais nie vir Innibos nie! Volpunte aan die organiseerders.
Louis, dit was ʼn baie mooi geleentheid. Ek het gehou van die manier waarop die feesorganiseerders ‘n gesprek tussen JLM se digkuns, Luna Paige se musiek en Jaco Sieberhagen se beeldhouwerk laat onstaan het. Mari Lubbe en Elza Vorster was vir die boekeprogram verantwoordelik. Sandra Jacobs, wat vir die fees se bemarking verantwoordelik is, het JLM aan die gehoor voorgestel en Andy Lubbe, die feesbestuurder, was self ook daar om seker te maak alles loop reg. Ek hoop van die ander feeste kyk af!
Wat ‘n lieflike, welverdiende eerbetoon aan ‘n besonderse digter … Dankie vir die fotobeeld, Andries. En nogmaals: Van harte geluk, Johann!