Versindaba
~ 'n Weblog vir die Afrikaanse digkuns ~

vir pa, soos die ander 

nog nie geskryf oor pa se graf

& wat daarin, die twee name daarop

ons met geel blomme(tjies) & bultende tasse

die karruit brand ‘n vlam in die wye verte stilte

soos die kruipende skaduwees in ‘n katedraal & haar weduwees,

vir wie die naakte liggaam nie meer geheim soos die dood ook

klein skare & pa se naam reflekteer die son en maan, die aarde, sterre, wolke

ons die in eerbied wonder & die stof toe ons wegry staan       ook stil

vir Brixton B. 

vriend die winter is amper op

sit afgebreek soos brood in my hande

tussen my vingers (knus nes) stoom

bekers swart koffie soos die oë van voëls

hoog bo in die lug

brand die hoofligte van motors geel muskiete lig

op die wit liggaam wat draf

op die long wat asem is & asem is

die singende gras groei welig in jou (brein)