Kwatrynkompetisie (2-5)

 

(2)

Toe Pa dit sien…

 

Gaste kom terwyl ons wingerd bewerk;

sukkel met hulle, werkers en die werk.

Met die pes los ons als langs plaasmure

om te keer, toe ek oor’le Pa opmerk.

 

*

 

(3)

‘n Wyntjie op sy tyd

 

Glo my,  hul stap sy aan sy: pyn en wyn,

makkers wat nooit ooit fluit-fluit sal verskyn.

Dit hoort mos soos brood en korrelkonfyt

sonder verwyt: laat pes wyk en verdwyn.

 

*

 

(4)

Kom klink ‘n glasie

 

In die drankbestel word boere gevel;

bitterheid bly knel- ‘n brander wat swel,

toe-kop, covid het ons sleg teruggesit

bly snel keel opsit oor wat bedryf kwel.

 

*

 

(5)

Luite speel luid

 

Los die aardse, dit tel niks, wil Bacchus maan

dans, beplan en geniet, want tyd stap aan.

Leef vrolik voluit met ‘n glasie rose;

gesondheid in die blomtyd, voor ons gaan.

 

© Reinette Thiart, 2021

 

 

Bookmark and Share

Comments are closed.