Mariëtte van Graan. 5 haikoes

 

Somer

sy sien groen en weet

somer se goggas sing net

van saad en water

 

***

 

Herfs I

die knars van die blaar

sny skerp in die koue klap

van haar droeë hand

 

***

 

Herfs II

as die winde haar

so aan die hare rondpluk

sing haar hart van herfs

 

***

 

Winter

haar boomtakke praat

met die stilte in die lug

waar ou woorde vries

 

***

 

Lente

sade is geplant

‘n blom bars soos ‘n bom

in die baarmoeder

 

© Mariëtte van Graan, 2021

 

 

 

Bookmark and Share

Los kommentaar

 

*