Versindaba verwelkom alle opstelle/artikels/blogs wat oor die (Afrikaanse) digkuns handel en in Afrikaans geskryf is in ‘n akademiese of semi-akademiese styl. Die volgende riglyne geld vir skrywers:
- Elke skrywer mag drie opstelle/artikels/blogs per jaar instuur waarvoor hy/sy vergoed word. Indien meer artikels ingestuur word, moet vergoeding met die Inhoudsbestuurder uitgeklaar word.
- Vergoedingskaal: Aantal woorde word gereken as eie woorde van die skrywer en sluit verbatim aanhalings uit ander tekste uit. Vergoeding werk soos volg: opstelle/artikels/blogs 550-850 woorde: R850; opstelle/artikels/blogs 1000 woorde en meer: R1200
- Slegs oorspronklike, ongepubliseerde werk van skrywers word aanvaar.
- Reeds gepubliseerde werk: Amptelike Opsommings van nagraadse studies en artikels wat in geakrediteerde joernale gepubliseer is, is baie welkom indien behoorlik na die bron verwys word. Ons kan ongelukkig nie skrywers daarvoor betaal nie (weens voor die hand liggende redes), maar skrywers kan by die onderstaande e-posadres met ons in verbinding tree om ‘n gratis geskenk van Versindaba te ontvang. Dit geld slegs studies wat oor die Afrikaanse poësie gemaak is en nie ouer is as 3 jaar nie.
Inhoudsbestuurder: Marlies Taljard taljard.marlies@gmail.com