vroeg ryp, vroeg vrot: mirror chat before the runway
vraag: daa is ʼn klong op sy knieë
innie buite toilet met pawpaw boeme
weerskant, agte in sy ouma se yart 一
skrop hy die sement vloer? of bely hy
vi ieman annes se sonde? antwoort:
ek wietie.
al wat ek wiet, is dat hy geskrie ʼit.
want voo woorde, groei die mont ees tanne.
daai pawpaws: soes altyd, geel puisies hang
op gesigte met oë wat niks sienie. pawpaws:
hoe die mont moet voel, lee hy my. oh pawpaws,
die kleur van geroeste dakplate,
lê ommie buite toilet, soes kraletjies
om ‘n baba se nek. die mont groei ees tanne,
ommat woorde soes nie en moenie
nog vas sit innie keel. ôs altwie – ek
& my niefie, wiet dat as jy ‘n lyk wil begrawe
innie buite toilet, moet dit gebeu wanne die nag
ge-iet is tot by haa pitte: soes ôs niggie se kint,
daai tyd dieselle ouderdom as sy, met sumo maan
van haa mag, weggestiek onne haa matriek jacket,
kraam sy binne innie mont vannie donke’te. die baba
was oggent lug: februarie blou, gevint
innie toilet se broeikas.
al wat ek wiet is dat hy het geskrie,
toe ek hom perongeluk gebyt ‘it.
want dit is nie wat by die mont ingan
wattie mens onrein maakie, dit is waa die mens
se tanne wonde los. die laaitie wat buig
innie buite toilet: is ʼn skarrelaar met net ‘n mont
vol gechipte melktanne: my klein enamel daggertjies
//
jare later, op my laptop screen,
how’s your head?
vra rupaul vi michelle.
toothy
antwoort ek.
© Keith Oliver Lewis, 2025
Beeld: Lady Skollie, Vroeg ryp, vroeg vrot: in various stages of ripening, being ripe, being ready, being consumed and nothingness. Beskikbaar: https://www.everardlondon.com/artist/LADY%20_SKOLLIE/news/252/
Liewe hemel. Dié het my nou wragtigwaar geráák.