Om die hemel te dekonstrueer
Wanneer Tim Curry en Dolly Parton
aanland, nou in die ander oord,
sal alles plesierig ópklink. Nog ‘n ikoon,
mag die duiwel smaal; geen woord
van jou, sal die mooi engele grom;
had genoeg van jou in dié rusoord.
Kom ons gee vir jou lipstiek oordwars
met oorbelle vir jou konkel oor
sodat jy ten minste mooier sal mars.
Nog altyd gedink, jy ou duiwel,
is maar net diep in die closet;
hierom word alle pret beduiwel.
© Joan Hambidge, 2026
Die hemel… of hel is opgedollie.