Uitnodiging na Orde van den Prince geleentheid op 27 September 2025 – Joan Hambidge in gesprek met Wium van Zyl

Beste lede & vriende,

 

Ons nooi u graag uit na die volgende Orde van den Prince-byeenkoms wat in samewerking met SASNEV aangebied word.

 

Die bekende digter en literator prof. Joan Hambidge tree in gesprek met prof. Wium van Zyl oor sy pas verskene digbundel Poëme. Dit is ook ’n bekendstelling van die bundel. Die geleentheid vind plaas by die Suid-Afrikaanse Sentrum vir Nederland en Vlaandere (SASNEV) op Saterdag 27 September, wat ook markdag is by SASNEV.

 

Datum en tyd: Saterdag 27 September 2025 om 10:00 vir 10:30.

Plek: SASNEV Konferensiesaal, Sentraalplein 4, Pinelands.

 

RSVP: teen 25 September by info@sasnev.co.za

 

 

 

Wium van Zyl was lank dosent in veral die Nederlandse poësie. In 1991 het sy eerste bundel, Oggendvuur, verskyn en van sy gedigte is sedertdien opgeneem in verskeie bloemlesings waaronder André P. Brink se Groot Verseboek en Gerrit Komrij se De Afrikaanse Poëzie in Duizend en Enige Gedichten. Sy nuwe gedigte betrek sy geboortestreek, die Langeberge by Heidelberg (Wes-Kaap), maar ook streke en gebeurtenisse elders in Afrika, die Lae Lande, Oos-Europa en sluit af met ’n afdeling oor die antieke Yslandse literêre skat, die Edda.

Hy is voorsitter van die Vrienden van de Nederlandse Bibliotheek, die Algemeen Nederlands Verbond en Van Ewijck Stigting.

Daar sal bundels te koop wees teen R150, ’n spesiale prys. Slegs kontant word aanvaar.

Meer oor die bundel

‘n Resensie van Poëme deur Joan Hambidge het aanlyn op Versindaba verskyn. Klik op die volgende skakel:

https://versindaba.co.za/2025/09/05/joan-hambidge-poeme-en-argetipes/

 

Klik op die volgende skakel om Joan Hambidge se gesprek met met Wium van Zyl oor Poëme op Versindaba te volg:

 

Joan Hambidge gesels met Wium van Zyl oor “Poëme” : Versindaba

 

Lees bietjie hier: Pas verskyn, Wium van Zyl en die digterlike personifikasie – https://maroelamedia.co.za/afrikaans/gedigte/wium-van-zyl-en-die-digterlike-personifikasie/

 

Ons verwelkom jou graag by SASNEV vir hierdie uitsonderlike bekendstelling. Onthou om kontant saam te bring.

 

Met hartlike groete,

 

Marius van Wyk           Eureka Barnard                            Erwin Rode             Jan Mutton

Sekretaris &                  Web-inhoudsbestuurder           Voorsitter                Onder-voorsitter

Penningmeester                                                                                                   Programbestuurder vir Nederlandse Taal & Kultuur

 

 

Orde van den Prince

Sekretaris: Afdeling Kaap de Goede Hoop

amvanwyk@law.co.za |+27 82 886 3655 (selfoon)