Anne-Marie Bartie. koue maan

 

Desembergedig

 

koue maan

 

teen vyfuur sal sy al

teen die blou lug sit

haar silwer buitelyn

wat net kόrt

van volrond flonker,

die laaste supermaan

van die lunar jaar

 

om middernag sal sy

‘n nuwe relatiewe

eenheid van tyd baar

en ons planeet

sal nog eenkeer

όm die ster wentel

 

so sal vorige dae repeteer

herfs, winter, lente, somer

en ons spore sal soms vreemde

ongedefinieërde hiponieme

betree

 

môremiddag kom sy egter

helder, in waksende gibbe-

sodat ons duidelik,

elke uitgelynde oppervlak

en krater van die oujaar kan sien

 

maar daaragter sal ook

‘n dapper nuwe wêreld

deur die luik van die eerste

verskyn

©Anne-Marie Bartie, 2025