wat onthou gaan word
hierdie skoenlapper by my ruit
flettersag en geel tussen al die groen
soos toe jou moeder
een novemberdag sonnig en somers
daardie dag toe ’n skoenlapper
jou al huilende na buite gevolg het
ek wou die goue vertroostinkie
uit jou hare vee, maar nee,
het jy gekeer, ons beter oplet,
tussen al die leed
is dit al wat eindelaas
behou
gaan word
soos nou, hierdie skoenlapper
teen ’n winddroë ruit
© Louis Esterhuizen / 2026