stroper
in die duister poot hy aan die hek
van kop tot tone bedek
wil hy die stringloper skaap van die veld
voorlê en kaap met geweld
wolf vermom in die vel van ‘n skaap
mofferig en knus lyk dit as hy slaap
verskans onder die wollige opset
skuil ‘n doelgerigte roofdier ingebed
lê hy stil soos dooierus vereis
die ou Gryse gesluimer bedags
gereed om tandeslag te wys
tydens donkermaan snags
© Krige Visser, 2026