FOTO 23: BOESMANGRAS
https://photos.app.goo.gl/RpCdDyTKXrtNBEpz9
Winterasem
ysig brand die winterwasem
geruisloos en mistig suis die wind
verstok Boesmangras tot grys-wit
genadeloos aan die duister verbind
dan breek die sade asemloos los
bly die bruin klipgrond die behoud
wat grassade in verwagting oes
terwyl genade in room verstil
wagtend op die laat winterreën
om die Roggeveld opnuut
te voed en te seën
© Anzé Bezuidenhout, 2026