Veronique Jephtas
 Veronique Jephtas Veronique Jephtas is ‘n 24-jarige skrywer, aktivis, digter, protespoësiekunstenaar, regisseur en aktrise van die Paarl. Sy het haar honneursgraad in Drama en Teaterstudies in 2019 by Universiteit Stellenbosch voltooi, waar sy in kreatiewe skryf spesialiseer het. Veronique was in 2018 by Teksmark met Hoe change hulle o.l.v Lee-Ann van Rooi en in 2019 met My Kroon Se Krank, o.l.v Quanita Adams. Sy het haar debuut as dramaturg by Woordfees 2020 gemaak met die teks, Hoe change hulle met Marlo Minnaar, o.l.v Lee-ann van Rooi. Sy was ook te sien in die Fiësta bekroonde produksie, Jakkals en Wolf Onbeperk, deur Malan Steyn, en regie deur Amelda Brand. Veronique is een van die ses skrywers wat gekies is vir die Jakes Gerwel en PEN Afrikaans skrywersresidensie in Julie 2020. Veronique se debuut digbundel, Soe rond ommie bos, is in Februarie 2021 gepubliseer deur Protea Boekhuis. Sy is ook in 2021 benoem vir ’n Fiësta toekenning vir haar teks Hoe change hulle in die kategorie vir Beste nuutgeskepte Afrikaanse teks, vertaling en verwerking. Veronique skryf al vandat sy kan onthou: “Gedigte en digkuns was altyd deel van my. Ek dig omdat dit vir my ‘n incredible healing experience is. Dit het die vermoë om emosie in een oomblik verewig vas te vang. Enigiets inspireer my, maar ek is stout om te skryf en te skel oor pyn en onreg.”
|
Femicide
ek sit innie bib
headline ná headline lees ek hoe nog ’n liggaam gevind is
my trane sit in my oë
ek chat met my chommie matteo
ek kannie hylie
wan my first draft vi my honours moet in
en my supervisor gannie nou omgie oo my gevoelensie
die department gannie omgie oo hoe gebriekie nation issie
wan in show business lee ôs van kleintyd af
the show must go on
die show se poes
*
welkom in suid-afrika
hieso is tien tips oo hoe om te survive:
- moenie vi jou jas hou nie
- stem ANC
- gloe kee op keerie leuens wattie government praat
- vattie kospakkies en DA t-shirts
- laat Hugo die polisie bel
- moenie rape reportie
- moenie pakkies byrie poskantoo optellie
- as jy ’n meisie vewag, abort
- laatie EFF ietsie tweet
*
die man wattie koeie melk
die man wattie koeie melk
hy maakie balies vol
die balies loep dan oo
tot binnerie poskantoo
meisie, meisie,
roe jou stertjie
op en af
op en af
op
af
skip tou
gebind in bowline
hanne
en bene vas
kô ôs vind yt
wierie vyand was
soe rond ommie bos
my tong skiet los
ek praat ytie mond vanne meid mette warme bôs
ek praat ytie oegpunt vanne maid yt Stellenbos
hie wil ekkie bly nie
wan hie is niks vi my nie
wie issie man wattie koeie melk?
sy balies loep dan oo
tot binnerie poskantoo
meisie, meisie,
roe jou stertjie
op en af
op
af
© Veronique Jephtas / 2021
