Verlede Vrydag ongeveer half een die middag het ‘n 8.9 punt op die rigterskaal aardbewing aan die kus van Japan ‘n tsunami golf van ongeveer tien meter veroorsaak.
Gisteraand vind ek myself (vier dae na die gebeure) nog steeds vasgenael aan die rekenaar om weer en weer te soek na nog nuus oor wat in Japan aangaan. Die videotonele is onbeskryflik skokkend en hartseer.
Die hoeveelheid mense wat geaffekteer is deur hierdie tsunami tel in die tien duisende. ‘n Dorp waar 17 duisend mense gewoon het, is nou net ‘n puinhoop, waar reddingspersoneel rooi vlae plant waar hul op dooie mense afkom.
In ‘n kwessie van minute is die mense in hul huise en karre oorrompel en weggespoel in ‘n massa water waarteen niks kon stand hou nie.
Ter ere van die geweldige verliese in menselewens nooi ek almal wat hier lees om uit te gaan, kerse te koop en saam met jou bure en geliefdes of medewerkers kerse te brand en gebede te opper vir die nasie van Japan wat erg swaar getref is.
Onverwagse Tsunami
Sy was in die kombuis
die huis het begin skommel
goed het geval, geraas
buite was daar ‘n geharwar
sirenes, en meesal ‘n gesidder
van aarde en see wat maal
en in kragte opstoot teen die
land
sy het gehardloop, geval
bymekaargemaak en haar man
het ook gedoen, tot buite
gevlug het hulle en toe gewag
op die onafwendbare.
Dit was vinnig, party se
ses minute, voor die vallei vol
was met water en huise
en bote en treine wat soos
speelgoed deur die water
rondgegooi en voortgedryf is.
Tot vure het op die water
gebrand, rooi vlamme in ‘n
tierende golf.
Wat het geword van die mense?
Dae later:
‘n Man het sy hond weer gevind
Tussen berge modder en houthope,
Sy gesig is teen die dier s’n
Hulle lyk altwee verwilderd gelukkig
Wie sou kon dink, so ‘n klein dier
kon ontsnap van die natuur.
Volg hier op: http://www.abc.net.au/news/stories/2011/03/11/3161866.htm