Dit is lente. Ek gewaar n paar blou bloeisels op hierdie blou geskakeerde Maandag.
Gewoonlik ly ek elke jaar aan na-geboorte-dag “blues”, maar nie hierdie jaar nie. Asof ter viering daarvan ontvang ek ʼn blou pakkie:
uit die bloute,
en binne in was onder andere hierdie blou boek:
Dit is ʼn bielie van n boek.
n Paar dae gelede ontdek ek hier op Versindaba dat Gerrit Komrij nie meer met ons is nie….maar dankbaar vir sy nalatenskap.
Die boek val oop op bl 1016:
KUNS IS SOOS KATTE- Rudolph Willemse
Kuns is soos katte
Rampokkerkatte met lang hare en weglêsnorre
(verder het hulle wiele:
Dis goot en rond en sit in hul oogkaste)
Hulle klim in takke
Van my verwarde
Verstand
Deurkruis die doolhowe
Van my skedel met motorfietse
En vang muise
Impotente rubbermuise
Wat verteerd tot uiting kom
In my ongehude verse
Ook my verse is soos katte;
Dit miaau onsamehanged
