Beeldgedig 1:Die Digter as Karmeliet (Melanie Grobler)

 Sheila Cussons. Fotograaf: Onbekend

 

Die Digter as Karmeliet

 

Lank staan ons voor die sandsteen gebou

die diepte van dennebome − die wyse waarop hul staan

 

starend na die stormgesig van die hoë donker berg

onweer dryf ons na ’n lang gang en ons hoor

 

haar geroep soos dié van sterwende troepe

soos koning Agamemnon vanaf sy verweerde skip

 

die wind dra ons na die klooster

gekniel op die klipvloer, swart die Spaanse spieël

 

van haar bevrore blik. reën neem ons dieper na die misterie

na die stringe gebede in ’n sykapel. hoog bokant die koepel

 

van die winterstorm hoor ons die geroep in Afrikaans

sien sy nou, die karmeliet, weer die hoë ikoon?

 

Bookmark and Share

Comments are closed.

  •