Plekgedig 5: Marthe McLoud. Garden Village – Somerset-Wes

Garden Village – Somerset-Wes

 

Gewond aan tak en wortel

hulle bloed in die stof –

baarmoederoffers

opgerol in daggazolle:

‘n gerookte generasie

 

skoolsku sit hulle op die sypaadjies

in hulle tuin van Eden –

uitsigloos,

halfpad dood groei ‘n handjievol

nog moeisaam voort

 

Is ons wat arbei in die tuin

se skoffels dan so stomp

dat onkruid steeds die oorhand kry?

Bookmark and Share

Comments are closed.

  •