Wellington word warm
Wellington se hitte het stokkiesgedraai
vergeet om dag en nag af te wissel
mense soos swartgerypte pampoenblare
deur die strate gesleep, sonder taal of gebaar
om hulle weersin aan die regte adres te pos,
diere het gelate kopbymekaar gekonfereer.
Dis toe dat die Boland sy sagte hart kom wys,
sonder donder of bliksem berg en vallei toegevou,
sagte koel druppels in die warm stof uitgegieter
mild en met deernis, soos net die Boland kan.