Plekgedig 25: Quarta du Toit. Vrygrond

VRYGROND

 

My plek is nie mooi nie

my plak-plek is Vrygrond

maar niks is hier vry nie

Kinders speel in vuilgoedstrate

Adem stinkende dooie dinge in

ʼn kind ontlas soos ʼn dier in ʼn gat

Terwyl ’n ma deur sluier, slierte staar.

Langs die pad ʼn spasa-shop

Waar kinders ten brode, bedelsmeek

Duitse motors snel verby

Op die grootpad hier neffens

Ja, jaag maar liewer aan

voor Vrygrond jou hart en jou kar verswelg

My plek is nie mooi nie

My plek is nie vry nie

My plek is Vrygrond !

 

(Vrygrond : ʼn informele nedersetting in Kaapstad)

 

Bookmark and Share

Comments are closed.

  •