Daar is sterk kompetisie vir die 2013 Ingrid Jonker-prys vir Afrikaanse poësie. Die Ingrid Jonker Prys word jaarliks beurtelings aan ʼn Afrikaanse of ’n Engelse debuutdigbundel toegeken, die twee tale waarin Ingrid Jonker geskryf het. Aangesien beoordelaars van die prys ook gepubliseerde digters moet wees, is dit ’n prys van digters aan digters.
Die drie beoordelaars – Petra Müller, Melt Myburgh en Henning Pieterse – het die volgende kortlys opgestel (volgens van in alfabetiese volgorde):
Donkerkamer – Fourie Botha
In die skadu van soveel bome – Hennie Nortjé
Wanpraktyk – Andries Samuel
Die lewe tussen pikkewyne – Jasper van Zyl
Die wenner sal op 15 Oktober bekend gemaak word.
Danie Marais is die sameroeper van die Ingrid Jonker-komitee. Die ander lede van die komitee is Ronel de Goede, Diana Ferrus, Finuala Dowling en Leon de Kock.
Nee, dit het in 2012 verskyn.
Goeie seleksie. Maar het Hennie Nortje nie eers vanjaar verskyn nie?
Okay, ek sien dis 2011 en 2012. Ek skrik nou net GROOT!
Bundels wat tussen watter datums verskyn het, maak aanspraak om oorweging?