Lykdig 14: Melanie Grobler. Lykdig

Lykdig                 

                                Vir Sheila Cussons

 

Laas nag het sy geslaap in die huis

van Nasaret, in een van die tallose stil kamers

 

vanoggend wakker geword in ’n skuit

wat skarrel oor die sand op die strand

 

die koue van die see rys na die kamers van haar siel

as helder lig uit haar klere stroom soek sy die brose merk

 

as die brander oopmaak is daar ’n kraak

waar dié wat heengaan oor die grens gesmokkel word

 

skielik staan sy weer voor die venster, ’n kroon van woorde

in haar hare. ’n ontploffing van klanke en as ek opkyk

draai alles rond; alom is dit donker en stil

 

 

Bookmark and Share

Comments are closed.