Was dit te donker, Ingrid Jonker?
(19 September 1933 – 19 July 1965)
Was dit vir jou regtig te veel
te erg sodat jy jou eie lewe moes steel
Die koue winteraand van Julie 1965 het jy jou uitkyk verloor
van positief, liefde en omgee wou jy niks hoor
Was jou asem weg geslaap deur die koue water
verkluim, verdrink slegs oomblikke later
Jy los geliefdes met geen antwoorde – net vrae
Hoekom wou jy jou laste alleen dra
Pappa sê “gooi haar terug in die see
vir al wat ek omgee…”
Sy hart verhard deur al die seer
Hoekom wou jy nie meer
Jy het ‘n leemte in talle lewens gemaak
by familie, vriende en Afrikaans – wat maak dit tog saak
“Sy naam is Sjuut… Sy naam is Slaap”
Daar was geen moed om bymekaar te skraap…
Was dit werklik té donker,
Ingrid Jonker?