vir oom jan f e cilliers
oom jan
daar gaan ‘n man verby
in ‘n rooi oorpak
op pad na die parlement
oom jan
dinge is nie meer dieselfde nie
partykeer voel dit beter
partykeer is dit slegter
die bannelinge kom terug oor verlange
na grond na bloed
na alles wat afrika was
oom jan
hulle sê ons het gesteel
hulle sê ons moet
terugvlieg na ons land
die somer is verby
ons hou van die plek
dis ons voëlkou ook
dis ons mense se
grafte in die gras
dis ons trane en sweet
wat die land laat ontkiem
dis ons moeder
dis al