Lykdig 44: Andy Paulse. ‘n Veer innie ink

‘n Veer innie ink

(Vir Boerneef:  Izak Wilhelmus van der Merwe (1897-1967)

 

Sy berggans hette veer lat val;

dit sag swewend

inne bokkeveldse inkpot geskryfdoop

 

hy wassie net ‘n neef vannie boere nie;

Dirk Ligter het yt sy pen yt gekryp,

sam mettie poelieste sam

die hantam karoopêre vooryt gehol,

om vi sy skaaplus in Ceres te ga tronk

 

sy spoor loop in sy hartland rond

neffens’ie bokveldse groentegronne,

tussen boordpaadjies deur

warie kos virrie volk anie bome hang,

onnerie grondse groentemyne

die honger in vele lywe voed

 

‘n plaasklong hette prof ga word,

‘n neef virre ammal

wattie taal vannie pen innie bokveldse ink

ga doop’it, dit wonners lat baar’it.

 

 

Bookmark and Share

Comments are closed.

  •