153
ek haal asem in ‘n helder herfsdagdroom
teken mandalas, maak my gedagtes skoon
geen osstert sappig met sauvignon, want
dit is kovid-19 min-min geld waar ek woon
154
margot aan kovid oorlede, moeg, gedreineer,
teen terugslae, dood, nie meer enige verweer
tydens die lang pandemie, onthou ons in 2021
haar stem in tinta barocca, saam met die seer
155
margot aan kovid oorlede, moeg, gedreineer,
teen terugslae, dood, nie meer enige verweer
tydens die lang pandemie, onthou ons in 2021
haar stem in tinta barocca, saam met die seer
156
om ‘n stilte te vind in ‘n kovidherfsverhaal
om ‘n herfslied te sing in ‘n inheemse taal
herfskwatryne met rosyne en droëwit wyne
herfswingerde word nou weereens winterkaal
© Annora Eksteen, 2021
