Vier haikoes vir Vrouedag
Vrou van die lente
jy geur lig en kortstondig
jou fleur is ‘n droom.
*
Vroue is somers
soos die ronding van perskes
met son op die wang.
*
Herfs bêre die son
in die glans van haar hare
die oë word gloed.
*
Vroue word winters
as die binnevuur uitbrand
tot splinters van ys.
© Zandra Bezuidenhout, 2021
Dankie ook aan Charl-Pierre Naudé vir die kommentaar op my “Vier haikoes vir Vrouemaand”.
Groot dankie aan Versindaba vir die besonder stimulerende gedig-kompetisies. Ons leer soveel uit mekaar se werk, maar meer nog, wat’n genot!
Mooi