Reinette Thiart. Lente Spring (5 limerieke)

 

 

i Lente Spring

 

Li se geliefde hang in die bos

Vas in die bitterbessie taai bos

Die  liefde laat haar bloei

Lente-kersiebos-gloei

O, vrek, die geliefde kom nie los.

 

ii Lente Spring

 

Sy streepjas haak in ‘n kersbos vas

Wind waai hom in ‘n haak-en-steek vas

Hy maak vinnig broek los

Om sy nood te verlos

O, alla, pappie;  nou’s hy kaalbas.

 

iii Lente Spring

 

Die man gaan toe deur diepe waters

Bly nie weg van die digters en saters

Nou sit hy in ‘n kou

Wat hom kil binne hou

Hulle het hom beet aan die flaters.

 

iv Lente Spring

 

Hulle swaai hom hier;  hul swaai hom daar

Hy kry geen liefdesonette klaar

Die ongenooide gas

Met die verplooide kwas

Verf bloeisels in ‘n swart put, siedaar!

 

v Lente Spring

 

A, ha, hy werk toe na nommer vyf

Met beeldspraak en ietsie om die lyf

‘n Jonkende varksog

Stoot haar blomme uit, og

Daar’s niks lekker aan sit, dink en skryf.

 

© Reinette Thiart, 2021

 

Bookmark and Share

Comments are closed.