Pieter Hugo. Soos ‘n handvol wit van die maan

 

SOOS ‘n HANDVOL WIT VAN DIE MAAN

 

Ek sien haar sit op ‘n sypaadjie

in Lwandle

by haar stalletjie

die vrou wat beestepote skoonskraap

 

Ek sien dit in die houding van haar rug

in ons oogvang met my verbyry

 

Vir ‘n oomblik

is ek Bottichelli

en sy is

soos ‘n handvol wit van die maan

 

 

(Titel uit Nie net die vuur nie, p. 43, Vandag is boordensvol, Pablo Neruda in Afrikaans)

 

© Pieter Hugo, 2021

 

Bookmark and Share

Comments are closed.