Waldemar Gouws. berigte te velde

 

berigte te velde

 

op die rand van nog ‘n feestyd vra

nota bene: hou dié konde in die oog

stip

 

reël vier: een uit drie mense in die republiek

gaan honger slaap

 

reël ses: twaalfduisend tienermeisies elke jaar

is swanger in azania

 

reël agt: seshonderd-en-sestig dogtertjies onder tien

het laas jaar geboorte gegee in mzanzi

 

reëls tien tot twaalf se fokus: agthonderd sewe-en-negentig vroue vermoor

tweehonderd sewe-en-tagtig kinders vermoor

negeduisend vyfhonderd ses-en-vyftig vroue verkrag

 

reël dertien: net tussen junie en september vanjaar

hier duskant die grys limpopo-grens

 

(“gegryp uit die hewigste ervaring van die volk”)

 

post scriptum die teks is nie klankdig nie

 

 

© Waldemar Gouws, 2021

 

Bookmark and Share

Los kommentaar

 

*