‘n terugblik op prieska -1965
iewers naby prieskapoort
blêr ‘n verlore bokooi
eggos oor grootrivier
by marydale koegasbrug en
groblershoop verby
staan oom joe chemaly
voor sy groentewinkel
en tuur tot ver anderkant
die klipkoppie waar boer
en brit jare toet
met bloed betaal het
nou net klip en sand
en alleenstaan kokerbome
suutjies loop die bokooi
tussen verbruinde klip en sand
treurblêr groot waters
uit die hemel los
luister oom joe chemaly
na die geklingel van kas-
registers in sy groentewinkel
© Thomas Deacon, 2021