Thomas Deacon. ek wou ‘n gedig skryf

 

ek wou ‘n gedig skryf

wat soos ‘n pronkerige vet-

gevoerde kalkoen

op supermarkte se lokblaaie

paradeer

 

 

maar een of ander resensent

het dit afgegradeer

tot die oorblyfsel van ‘n maer kalkoen

wat op tweede nuwejaar

in die koelkas op uitgerafelde drinkers

lê en wag

‘n proesel van die nuwe jaar

 

© Thomas Deacon, 2021

 

Bookmark and Share

Comments are closed.