Versindaba nooi Afrikaanse en Nederlandse digters uit om gedigte voor te lê oor die huidige konflik tussen Rusland en die Oekraïne.
Enige digter wat al by ʼn hoofstroomuitgewer ʼn solobundel gepubliseer het of ʼn digter van wie ten minste 3 gedigte in een of meer versamelbundels opgeneem is wat by hoofstroomuitgewers verskyn het, mag deelneem. Alle gedigte wat ingestuur word, sal vir beoordeling in aanmerking kom, maar Versindaba se Inhoudsbestuurder behou die reg voor om te besluit of ʼn gedig op die tuisblad gepubliseer word of nie. Gedigte wat op enige wyse beledigend of verkleinerend is, wat ekstremistiese sentimente verkondig of wat as haatspraak geïnterpreteer kan word, sal nie geplaas word nie.
Die kompetisie sluit op 30 April 2022, en die wenner ontvang R500 as prysgeld.
Daar is geen beperking op die aantal inskrywings per digter nie. Slegs gedigte in Afrikaans of Nederlands sal aanvaar word. Slegs Nederlandse digters wat ʼn bankrekening in Suid-Afrika het, sal vir ʼn prys in aanmerking kom, aangesien ons nie fasiliteite het om prysgeld in oorsese rekeninge in te betaal nie. Nederlandse digters wat nie in aanmerking wil kom vir die prysgeld nie, is egter ook welkom om inskrywings te stuur.
Elke inskrywing moet afsonderlik as ʼn Word-dokument by ʼn e-pos aangeheg word: Arial, 11-punt, dubbelspasiëring, asseblief. Inskrywings kan gestuur word aan die Inhoudsbestuurder van Versindaba by die onderstaande e-posadres:
Foto: Reuters