Xavier Bolsonaro
1955–
In die lug bo die reënwoud
hang die donker wolke van rook
en in ’n groter oopte knak
bome en val verpletterd neer.
Aras vlieg vreesbevange weg
en in knetterende vlamme
verkool tapir, lippebeer en boa
asof hulle bloot spesies was.
In São Paulo waai dié man sy hand
oor groen vlekke op ’n landkaart
en hou hom koel en berekend
vir die stamme se weeklaag doof.
© Johann Lodewyk Marais, 2022