Die Agbare Minister van Sport, Kuns en Kultuur, Nathi Mthethwa, het op 10 Maart 2022 opdrag gegee dat die Afrikaanse Taalmonument se naam moet verander.
Intussen het daar ‘n hewige debat in die koerante en op sosiale media ontstaan oor die wenslikheid al dan nie van dié stap.
Versindaba wil haar lesers die geleentheid bied om op hierdie forum op sinvolle en waardige wyse aan die debat deel te neem. Lesers kan briewe (maksimum 400 woorde) of meningstukke (maksimum 800 woorde) rig aan die Inhoudsbestuurder, Versindaba, taljard.marlies@gmail.com OF kommentaar lewer in die kommentaarruimte van briewe/meningstukke wat verskyn het.
Ons behou die reg voor om te besluit watter briewe/meningstukke geplaas word en geen kommunikasie sal daaroor gevoer word nie. Briewe/meningstukke wat op enige wyse beledigend van aard is, sal nie geplaas word nie. Ons hou skrywers in hulle persoonlike hoedanigheid verantwoordelik vir hulle skrywes. Geen briewe sal onder skuilname geplaas word nie.
‘n Persverklaring van die Afrikaanse Taalmuseum & -monument is by die onderstaande skakel beskikbaar:
Misschien is ‘spraakverwarring’ een toepasselijke naam?
Die forum vir Afrikaanse poësie, dan nie?
Peter Blum, so mooi relevant met sy Kaapse sonnette (1955 in Steenbok tot Poolsee), skryf ‘n verantwoordelikheidskwytskelding aan die begin van die reeks satires:
“Hierdie sonnette is gebaseer op die Sonetti Romaneschi van Guiseppe Gioacchino Belli (1791-1863). … Peter Blum hou nóg homself, nóg il fu Signore Belli, aanspreeklik vir enige gedagtes of gevoelens wat in die verse uitgedruk word. Enige leser wat in hulle enige aanval op enigiets of enigiemand überhaupt waan, of hond se gedagtes kry, verstaan die verse nie.”
Die eerste strofe van die tweede gedig:
2. Oor monnemente gepraat
Wat spog julle so met julle monnement?
Hy’s groot ma’ lielak, en hy staan so kaal
da’ op sy koppie. Wie’t vir hom betaal –
al daai graniet en marmer en sement?