Gerhard Barkhuizen. Dislojale verset

 

 

 

Dislojale verset

Jou oë kaats

die onvermoë om vrees

in myne raak te lees.

Jy ruik nie die asem

wat honger

deur gebarste lippe wasem.

Jy bly doof

vir my storie wat vertel

van daklek en winterhel.

My koker met die Quink trek leeg,

ek vul dit aan by Total in ’n steeg.

Ek pen sò my verhaal

in die ontvlambare

twaalfde taal.

 

Hierdie gedig – ’n inskrywing vir die jaarlikse AVBOB Poësiekompetisie – is in die AVBOB Poësiebiblioteek gepubliseer, en word herpubliseer met toestemming van die AVBOB Poësieprojek. Klik hier om toegang tot meer as 17 000 gedigte in al 11 amptelike Suid-Afrikaanse tale te kry: https://www.avbobpoetry.co.za/Poem/ViewAll

 

Bookmark and Share

Los kommentaar

 

*