Vrou
deborah rigters staan sy op
onder palms
op mure
met toue gedoop in karmosyn
in tenger ouderdom reeds uitverkoop
tot groter welsyn
reg
om lewe te bring
en doders te beveg
deurdrenk met krui & spesery
haar liggaam voorberei
te bevry
gekromde immer
haar neergeboë tempel
in sy tempel
prewel
goddelike insprake uit
— dokument
aan ‘n boom getimmer
© Margaret Cordier, 2022