Wêreldkaart
Teen die muur van die herberg
staan Tenerife in die argipelago
met ‘n vulkaan gevaarlik glo.
Achamán, die god van die lug,
soos Magec, die songod heilig,
leef saam met Guajoto, ‘n demon.
Gautimac beskerm my steeds
teen geliefdes gemummifiseer
in woorde se onthoue, vergeet.
Dit het alles te make met Tenerife:
al die verlorenes vertrekkendes
se geroep uit die muur van dié herberg.
© Joan Hambidge, 2022