Ingrid gemedikeer
“met hulle verdwaas in inrigtings
geskok met elektriese strome
deur die katarakte van die sintuie”
bitterpil dagloom
bitterpil dank
my brein torring los
deur monoamien en drank
lê ek op die ysterkooi
om daarop te rus
oral gee judasmiddels
’n verdowende kus
Valkenberg verblyf
Sainte-Anne respyt
weer is daar geskinder
hoor ek wyd en syd
notaboek-flink pen
krabbel-krabbel my
totdat ek grootoog
weer die skokke kry
sluk is al antwoord
maan dokter solank
bitterpil dagloom
bitterpil dank
© Neil Cochrane, 2023