Binneblik
staan ek voor myself vanaand
kyk my in die oë
vergeet vir ‘n oomblik
dít wat ander van my glo
verbrande kaalvoetkind
tussen strate; duine en branderboë
wit koejawels by die gariep
weggeruk na hoëveldse donders van bo
altyd soekend na ewewig
tussen ongerep
en boksies waarin die nuwe omgewing my wil sit
aktrise speel ek deur die sleur
altyd soekend om terug te keer
springbokvlakte en die bos –
die weskus wou my nie los
© Margaret Cordier, 2023