Geheueflits in Seville
(In memoriam)
Die ware Flamenco, die dans
van Andalusië se sigeuners, word in
die heroïenhole van Seville gevind.
Vir ons is slegs die steriele weergawe
in die tabloas beskore, die weerklanke
van die dans se wortels vaag, maar tog
herkenbaar: die dans van passie en die dood.
Ek onthou ons groepie pouses
en jy by die skoolkonsert in jou
kleurvolle rok vol valle met
die gepynigde uitdrukking op jou gesig
en jou Spaanse skoene – rewolwers –
wat soos skote op die verhoog klap:
toe reeds ’n voorbode
hoe jy ‘n paar jaar later
sou sterf.
(Flamencobeskrywing na aanleiding van André Pretorius se boek: “Iewers ver en nuut”)
©Marthé McLoud, 2024