semigrant
(na breytenbach)
ek sal trek en vanlyn gaan
weg van my voorstad en sy telegramgroep
wat ek skielik sal verlaat met
‘n kort vingerveeg
ek sal weg van my vader gaan
weg van die padpokke op
papenkuils en link se hoek
weg van beddings wat engelloos
in bompapawers ontplof
en die omgemolde vlakkies wat
sandvastig aan my kleef
ek sal aan elke gister sterf
en tog alles saamdoos
om hier te kom verplant
hier waar die vulstasie se
goddelike groen oog buurtlik
oor ons die wag hou
waar skoppelmaaie nog die mot
en roes van politiek kan pypkan
ek sal smiddae na ‘n kerk gaan
met sjokoladedeure
waar die loperige dae in stil swart
teer en seringskadu’s smelt
medetrekkendes
mag hierdie dae doulas wees
wat van die nawyn dommelend op
my buitesofas rus
hier waar die voorstad nou
tot in alle onvoltooidheid
stoephoedend soos
‘n bôrdienghuisvader
oor ons waak
© Paul Kloppers, 2025