Andrea Sieberhagen. Twee mossies vir ‘n sent

 

Twee mossies vir ʼn sent

 

ʼn Doodgewone adres

word ʼn veilige nes.

Skuilplek verleen

teen stormwind

en gietende reën.

 

Ouerlike vlerke

en omgee sonder perke

hou ʼn voëlkuiken

sorgsaam toegevou.

 

Een somersdag word vlerke

stilweg wyer uitgesprei

om nóg een kuiken

by te kry!

 

Twee mossies vir ʼn sent …

en die vere op hul lywe

is almal getel.

 

© Andrea Sieberhagen, 2025